“Обод” ва “Шўртан” жамоалари ўртасидаги баҳсдан олдин меҳмонларнинг тажрибали ҳимоячиларидан бири Жамол Отақулов бугунги учрашув борасида қуйидаги фикрларини айтиб ўтди:
“Кўпчилик “Обод”нинг турнир жадвалида охирги ўринда бораётгани ва Олий лига дебютанти бўлганлиги боис, бу жамоа билан ўйин осон кечиши мумкин, деб ўйласа, қаттиқ адашади. Шахсан мен ва жамоадошларим, қолаверса мураббийларимиз ҳар қандай рақиб билан ўз ўрнида ва ҳурмат даражасида ҳисоблашиш кераклигини яхши биламиз. Шундан билингки, бугунги учрашув ҳеч қайси бир жамоа учун шунчаки ўтмайди.
“Обод” учун ҳам ҳали ҳеч нарса йўқотилгани йўқ. Биз эса сўнгги турлардаги муваффақиятларимизни давом эттирган ҳолда ўз мавқеимизни мустаҳкамлаб бориш йўлида ғалаб учун боримизни ташлаймиз.
“Шўртан” ПФК матбуот хизмати
