Европа чемпионати иштирокчилари таркибида мамлакат фуқаролари кўринишига ўхшамаган ўйинчиларни кўп учратиш мумкин. Чунки кўпчилик терма жамоалар таркибида ўзи ёки аждодлари муҳожир сифатида мамлакатга кўчиб келган футболчилар бор.

Евро-2016 иштирокчилари орасида муҳожирлар сони бўйича пешқадам жамоа – Швейцария. Унинг таркибидаги 14 нафар шундай футболчи бор.

Улар Косово (4 нафар), Камерун, Македония (2 нафардан), Кабо-Верде, Туркия, Кот д’Ивуар, Босния, Чили ва Конго давлатларидан кўчиб келишган.

Муҳожирлар сони бўйича кейинги ўринларда Бельгия (13), Португалия (12), Франция (10), Германия (9) ва Австрия (8) бормоқда.