УЕФА тадбирлари бўйича ижро директори Мартин Каллен, Евро-2016 стадионларидаги майдонларнинг аҳволи қониқарли эмаслигини тан олди.
“Майдонларнинг аҳволи яхши даражада эмас, буни тан олиш керак. Биринчи навбатда бу Марсель, Сен-Дени ва Лилль стадионларига тааллуқли. Бундай мусобақаларда майдон чими аъло даражада бўлиши керак. 10та стадиондан фақат 2таси – Париж ва Лансдаги стадионларгина фақат футбол ўйинлари учун мўлжалланган. Қолган стадионларда бошқа кўнгилочар тадбирлар, концертлар ўтказилади. Бу эса майдоннинг сифатига салбий таъсир қилади. Шунингдек баъзи стадионларнинг конструкцияси майдон чимига қуёш нурини тўлик етиб боришга тўсқинлик қилади” - деди Каллен.
