Иорданиялик машҳур карикатурачи рассом Умар Момани футбол мавсуми авжи паллага чиққан вақтда ижоддан тўхтамаяпти. Унинг нишонида асосан Евро-2016, Америка кубоги ва туғилган кунлар бўлмоқда. Сиз ҳам баҳо беринг.

1. Туғилган кун муборак, жаноб Клопп

16 июнь куни "Ливерпуль" жамоаси бош мураббийи Юрген Клопп туғилган кунини нишонлади. Бу воқеа Момани эътиборидан четда қолмади ва дарров Клопга атаб, расм чизиб ташлади.

2. Ҳаммадан ҳам Феллаинига қийин

Нега дейсизми? Чунки унинг сочлари ҳамиша муҳокамаларга сабаб бўлади. Италияга қарши ўйинда ҳам бельгияликлар деярли ҳеч нима қила олмадилар. Фақат Феллаинининг сочи ҳисобга олинмаса.

3. Тўфон пардоз билан банд

Туркия ва Хорватия ўртасидаги баҳсда турк Озан Тўфон сочини авайлаш билан овора эди. Модрич эса чиройли гол урганди.

4. Авлиё Месси

Аргентина терма жамоаси ҳозирча Америка кубогида ажойиб натижалар қайд этмоқда. Ҳужумчи Лионель Месси асосий таркибда майдонга тушмаётган бўлса-да, 3та гол уриб, режани бажариб қўйди. Лекин унинг соқоли шов-шув келтириб чиқарди. Соқолли Месси!

5. Муз асири

Исландияга қарши ўйинда Португалия терма жамоаси анча тер тўкди. Бунақасини кутмаганди. Роналдуни шунақа қўриқлашдики, натижада Криштиану ҳеч нима қила олмади. Мана, оқибати.

6. Иштонли Кирали

Венгрия терма жамоаси дарвозабони бу йилги мусобақанинг энг кекса иштирокчиси ҳисобланади. У 40 ёшли бўлиб, ўзига хос рекорд ўрнатди.

7. Нима қиляпсиз, жаноб Лёв?

Изоҳга ҳожат йўқ.

8. Бейл аталмиш аждарнинг маҳв этилиши

Англия ва Уэльс ўртасидаги учрашувда захирадан майдонга тушган Варди ва Старрижнинг голлари инглизларга ғалаба олиб келди.