Шимолий Ирландия терма жамоаси яримҳимоячиси Жой Мадженис Евро-2016 доирасида Германия терма жамоасига қарши кечадиган баҳс олдидан фикрларини билдириб ўтди.
"Германия терма жамоаси - кучли. Улар ҳамиша ўйинда тўпга эгалик қилишади ва ўйинда ўз сўзларини ўтказишади. Улар йўқ жойдан голли вазият яратишлари мумкин. Биз уларга қарши ўйин жуда қийин кечишини яхши билиб турибмиз. Уларга қарши ўйинда қандай ҳаракатланиш бўйича муҳим қарорни қабул қилишимиз керак. Немислар жуда кучли, лекин ҳар бир жамоанинг заиф томони бўлади.
Мени шундай тарбиялашган - мен худодан қўрқаман, бандаларидан эмас", дея унинг сўзларини келтиради Goal.
