Стадиондаги майдон чимини қониқарли ҳолатда тутиб туриш учун, А гуруҳининг сўнгги тур ўйинларидан олдинги машғулотлар бошқа жойларга кўчирилди, деб хабар беради мусобақа ташкилотчилари.
А гуруҳининг сўнгги туридан ўрин олган Франция – Швейцария ўйини Лилль шаҳрида, Руминия – Албания ўйини Лион шаҳрида бўлиб ўтади. Жамоалар ўйиндан олдинги машғулотларни захира майдонларида ўтказишади.
Эслатиб ўтамиз, Францияда ўтаётган Европа чемпионатидаги стадионларнинг майдони қониқарли аҳволда эмаслигини УЕФА директори Мартин Каллен ҳам тан олиб, доимий ёмғирлар ва қуёш нурининг етишмаслигини бунга сабаб қилиб кўрсатган эди.
