«Реал» ҳужумчиси, Португалия терма жамоаси сардори Криштиану Роналдунинг агенти Жорже Мендеш ўз мижозининг шахсий фазилатлари ҳақида фикр билдириб ўтди.
«Агар дунёдаги энг яхши инсон учун мукофот таъсис этилган бўлганида, уни Роналду олган бўларди. У ажойиб ота ва ҳақиқий дўст.
Роналду – бизнинг замонамиз, жамият ва ёшлар учун энг яхши намуна ва бу фақатгина футболчи сифатида эмас, инсоний фазилатлари эвазига ҳам.
У майдонда ҳам, майдон ташқарисида ҳам энг зўри.
Роналду – дунё тарихидаги энг зўр спортчи», – дея Мендешнинг сўзларини келтиради Marca.
Эслатиб ўтамиз, Евро-2016 доирасидаги Португалия – Исландия (1:1) учрашувидан кейин бир қанча исландиялик футболчилар Роналдунинг ўзини тутиши борасидаги ҳаракатларини танқид қилиб ўтишганди.
