Олий лиганинг 13-турида Наманганда Бекободнинг "Металлург" жамоаси меҳмон бўлади.

21 июнь, сешанба. 19:00
«Навбаҳор» (Наманган) – «Металлург» (Бекобод)
Ҳакамлар: Т. Тўхтасинов (Андижон), А. Маражабов (Андижон), А. Абдураҳмонов (Андижон), Б. Юльчараев (Гулистон)
Назоратчи: С. Эрматов (Тошкент).
ЎзПФЛ вакили: Б. Маметов.


“Навбаҳор” ва “Металлург” клублари олий лигада шу кунгача 36 бор куч синашишган. “Навбаҳор” 18та ўйинда ғалаба қозонган. 9та учрашувда “Металлург”нинг қўли баланд келган. Бу жамоалар ўртасидаги ўйинларда 9 марта дуранг қайд этилган. Тўплар нисбатида катта устунлик “Навбаҳор” томонида: 59:38.

“Лочинлар” ўзаро ўйинларда 63 очкога эга бўлишган, “Металлург” эса 36 очкони қўлга киритган. “Навбаҳор”нинг “Металлург” устидан қозонган энг йирик ғалабаси 7:0га тенг бўлса, “Металлург”нинг наманганликлар устидан эришган энг йирик ғалабаси – 3:0.

Ўтган мавсум Наманганда ўтган учрашувда 2:2 ҳисобидаги дуранг қайд этилган бўлса, Бекободдаги учрашувда эса "Навбаҳор" 3:2 ҳисобида зафар қучганди.

“Навбаҳор” майдонида ўтган сўнгги беш учрашув:
20.03.2015 «Навбаҳор» - «Металлург» 2:2
27.08.2014 «Навбаҳор» - «Металлург» 4:2
04.07.2013 «Навбаҳор» - «Металлург» 2:1
06.10.2012 «Навбаҳор» - «Металлург» 1:0
05.03.2011 «Навбаҳор» - «Металлург» 1:0

Ўзаро ўйинлар ҳақида факт: “Навбаҳор” ўз майдонида ушбу рақибга умуман мағлуб бўлмаган. 18та ўйиннинг 15тасида майдон эгалари зафар қучишган. 3та ўйин дуранг билан тугаган. “Металлург” сўнгги бор ўтган мавсум Намангандан мағлубиятга учрамай қайтган.

Ҳакам ҳақида факт: Тимур Тўхтасинов ўтган мавсум 2-турда айнан "Навбаҳор"-"Металлург" учрашувини бошқарган ва у томонидан сўнгги дақиқада белгиланган пенальти эвазига "Металлург" бир очколик бўлганди.