Колумбиялик футболчи Карлос Валдеррама нафақат футболдаги иқтидорли ўйинлари, балки бетакрор соч турмаги билан ҳам кўпчиликнинг ёдида қолган. Валдеррама 17 ёшидан сочларига қайчи теккизмай қўйган. У бу ёшида “Унион Магдалена” жамоасининг ёшлар таркибида тўп сурарди. Карлос футбол майдонига тушмай қўйганига анча бўлган бўлса-да, унинг сочларига тақлид қилувчилар кўп. Уларнинг сочлари Валдерраманинг сочлари каби ёстиқдай бўлмаса-да, қуш иничалик бор.
Кевин Киган
1970 йилларда Англия терма жамоасини Кевин Киганнинг қўнғироқ сочларисиз тасаввур қилиб бўлмасди. Англияда ҳатто унинг суратлари туширилган почта маркалари ҳам чиқарилган.
Аксель Витсель
Аксель Витсель ўз сочлари ҳақида “Улар ростмана табиий, кимё ишлатилмаган. Шунчаки икки йил қайчи урилмаган, холос”, деб таъриф берганди. Ҳа, унинг табиий сочлари кўпгина хонандаларни илҳомлантирган.
Маруан Феллайни
Витселга рақобатдош сифатида белгиялик Маруан Феллайнини келтириш мумкин. Ҳатто Маруаннинг қўнғироқ сочлари Акселникидан ҳам ўзиб кетган.
Давид Луис
Давид Луиснинг “машак” қўнғироқлари унинг ёрқин ва очиқ характерига жуда мос. У омма кўз олдида ички ҳиссиётларини ҳеч қачон жиловлаб ўтирмайди ва камерага тилини кўрсатишни ёқтиради.
Бенуа Ассу-Экотто
Бенау сочларини не куйларга солмаган, дейсиз. Лекин уларни ташлаб, ёйиб чиққанда қизлар ҳам доғда қолар эди.
Данте
Яна бир бразилиялик футболчи Дантенинг сочлари ҳам ток ургандан сўнгги соч турмагини эслатади. Лекин Дантенинг сочлари ҳам унинг айтиши бўйича, табиатан шундай.
Виллиан
Виллиан бу сочлари билан Россиянинг “Шахтёр” жамоасида ўйнаганида, совуқда бош кийимига ҳам эҳтиёж сезмаган бўлса керак. Балки бу сочларга мос бош кийими топилмагани сабабли туманли альбионга кетиб қолгандир-да.
