Лондоннинг "Арсенал" клуби Германия терма жамоаси ярим ҳимоячиси Марио Гётцени ўз сафига қўшиб олмоқчи. Британия матбуотининг хабар беришича, "Бавария" футболчиси ёзда инглиз жамоаларидан бирига кўчиб ўтади.
Манбада амалга оширилиши мумкин бўлган трансфернинг иқтисодий жиҳатлари ошкор қилинмаган.
Аввалроқ "Ливерпуль" Гётце учун 20 миллион фунт таклиф қилгани хабар қилинганди.
Таъкидлаш жоиз, Гётце "Ливерпуль" бош мураббийи Юрген Клопп билан Дортмунднинг "Боруссия" жамоасида бирга ишлаган. Шу сабаб унинг мерсасайдликлар сафига қўшилиш эҳтимоли юқори баҳоланмоқда.
