Хорватия терма жамоасининг дарвозабони Даниэль Субашич Испанияга (2:1) қарши ўйинда пенальтини қайтариб, ўйин қаҳрамонларидан бирига айланди.
Ўйиндан сўнг Даниэль устки либосини ечиб, ҳужумчи Хрвое Чустич сурати туширилган футболкани намойиш қилди. У 8 йил муқаддам, “Задар” ва “Цибалия” ўйинида бетон тўсиққа боши билан урилиб, фожиали ҳалок бўлганди. Субашич ўша пайтда “Задар” таркибида Чустич билан ўйнаганди.
"Бугунги ғалабани Чустичга бағишлайман. Бу футболкани эса ҳар доим кийиб юраман", - деди Субашич.
