«Севилья»нинг энг талабгир 5 нафар футболчиси.
Андалусия жамоаси бу йил яна ЕЛ ғолибига айланди ва унинг таркибидаги аксарият футболчиларга талаб сезиларли даражада ошди. Айни пайт қитъанинг энг илғор клублари ўз дурбинларини айнан «Севилья» айвонига қаратишган – вазият ўхшаб қолса, дарҳол қайсидир футболчини ўз сафларига олиб ўтиш ҳаракатини бошлашади. Умуман олганда, «Севилья» ҳар йили етакчи ижрочиларини қўйиб юбораётганига қарамай, ўзлигини йўқотмаяпти. Мисол учун, охирги 3 мавсумдан буён ЕЛ бош совринини бировга бераётгани йўқ. Ваҳоланки, жамоа сўнгги бир неча йилда Видаль, Бакка, Фасио, Морено, Медель, Ракитич, Перотти, Мадуро, Денис Суарес, Негредо, Кондогбиа, Луис Альберто ва Хесус Навас каби футболчиларни бинойидек нархда сотди. Энди навбатда янги оқим турибди. Шубҳа йўққи, ёзги трансферлар чоғи ЕЛ ғолиблари гранд клублар ўртасида талаш бўлишади. Демакки, «Севилья» харидорларга бироз эркалик қилиш ва нархни озгина ошириб қўйишга ҳақли. Биринчи навбатда, кимлар Андалусия жамоаси билан хайрлашиш тараддудини кўраётганига қизиқсангиз, марҳамат, қуйидаги фотожамланма (Манба: Sports.ru сайти)га эътибор қаратинг.
Эвер Банега
Мавсум-2015|2016даги статистикаси: 44та ўйин, 9та гол, 5та голли узатма
Харидор клуб: «Интер» (Италия)
***
Бенуа Тремулинас
Мавсум-2015|2016даги статистикаси: 37та ўйин, 1та гол, 3та самарали узатма
Харидор клуб: «ПСЖ» (Франция)
***
Гжегож Криховяк
Мавсум-2015|2016даги статистикаси: 40та ўйин, 1та гол, 2та самарали узатма
Харидор клублар: «Ювентус» (Италия), «Арсенал» (Англия), «Манчестер Сити» (Англия)
***
Серхио Рико
Мавсум-2015|2016даги статистикаси: 43та ўйин, -52та гол
Харидор клублар: «Ливерпуль» (Англия), Испания грандлари
***
Кевин Гамейро
Мавсум-2015|2016даги статистикаси: 51та ўйин, 29та гол, 6та самарали узатма
Харидор клублар: «Барселона», «Рома»
