«Арсенал» клубининг бош мураббий Арсен Венгер ва Франция терма жамоасининг собиқ ҳужумчиси Давид Трезеге Хорватия терма жамоаси шифокори Томислав Мадзарни «Севилья» клубининг бош мураббийи Унаи Эмери билан адаштириб юборишди.
«Туркия терма жамоасига қарши ўйин куни Трезеге билан суҳбатлашиб ўтиргандим. Шу пайт Арсен Венгер олдимга келиб, ҳол-аҳвол сўради, “Севилья”нинг муваффақиятли мавсуми билан табриклади, шунингдек “ПСЖ” клуби билан музокара олиб бораётганим билан қизиқди. Мен совуққонлик билан “ҳозирча “ПСЖ” билан шартнома тузмадим. Мен билан “Реал” қизиқмоқда” - дедим. Шундан сўнг бирга суратга тушдик. Бу воқеадан футболчиларимиз ҳам хабар топишибди. Испанияга қарши ўйинда сўнг, кийиниш хонасига кирсам, ҳаммаси “Эмери бизни “ПСЖ”га олиб кет!” - деб қичқиришди” - деди Мадзар Sportske Novosti хабарига кўра.