Англия терма жамоаси ҳужумчиси Гарри Кейн нима учун Евро-2016 мусобақасининг дастлабки уч учрашувида гол ура олмаганини тушунтириб берди.
"Нима учун гол ура олмаяпман? Тўғрисини айтсам, ҳозирча менда биронта вазият юзага келмади. "Мен буни уришим керак эди, афсусдаман" дейишга арзигулик имконият бўлмади. Мен бундай имконият юзага келишига тайёр туришим керак.
Мен у қадар хурсанд эмасман ва у қадар афсусда ҳам эмасман. Қанчалик хотиржам бўлсанг, бундай вазиятларни осон бошдан ўтказасан ва ўйинингни яхшилаб борасан. Биз Руни билан бу ҳақида гаплашдик ва ўзимга бўлган ишончни сақлашим ва ўз ишимни бажаришим керак", — дейди Кейн.
