Испания терма жамоаси ҳимоячиси Жерар Пикенинг турмуш ўртоғи хонанда Шакира Швейцария ҳамда Польша терма жамоалари ўртасидаги ўйинда киритилган Шердан Шакирининг голини ўзига хос тарзда изоҳлади.
«Бунақаси ҳали бўлмаган. Битта Европа чемпионатида оилавий жуфтлик гол урди: Пике ва Шакири»,- деб ёзади қўшиқчи твиттердаги саҳифасида.
Бу орқали Шакира ўз исмини швейцариялик футболчининг фамилияси билан бир хил (ўхшаш) эканига ишора қилди.
Эслатиб ўтамиз, Шердан Шакирини Польша дарвозасига Жан Пьер Папен услубида акробатик тарзда гол киритди ва бу гол ҳозирча мусобақанинг энг чиройли голи бўлиб турибди.
Ўз навбатида Пикенинг голи Испанияга Чехия устидан ғалаба келтирганди.
