Англия терма жамоаси Исландияга мағлуб бўлса, барча инглиз футболчилари Исландиянинг шимолида бепул дам олиш имкониятига эга бўлишади. Исландиянинг North Sailing туризм компанияси раҳбари Гудбьяртур Йонссон бу ҳақда эълон қилди.
"Бизнинг таклифимиз меҳмондўстлик белгисидир. Агар Англия ютқазиб қўйса, бахтиқаро футболчилар дарғазаб мухлислар туфайли уйига қайта олишмайди. Шунинг учун ҳам улар Исландия шимолида бемалол ҳордиқ чиқариб, мағлубият аламини унутишлари мумкин бўлади” - деди Йонссон.
Евро-2016 нимчоракфиналидан ўрин олган Англия – Исландия ўйини 27 июнь куни соат 23-55да бошланади.
