Италия терма жамоасининг ҳимоячиси Леонардо Бонуччи Испанияга (2:0) қарши ўтказилган ўйиндан сўнг ўз фикрларини билдирди. Бонуччи бу ўйиннинг энг яхши футболчиси деб топилганди.
«Жудаям хурсандман. Майдонда кўрсатган ўйинимиздан фахрланаман. Дунёнинг энг кучли жамоасини мағлуб этиш учун бор кучимизни ишга солиш кераклигини яхши тушуниб тургандик. Испанияга ўз ўйинини намойиш қилиш учун имкон бермадик. Энди чоракфинал ҳақида ўйлашимиз керак. Амалдаги жаҳон чемпионларига қарши ўйнаш жуда мушкул бўлади», — деди Бонуччи УЕФА матбуот хизмати хабарига кўра.
Италия терма жамоаси чоракфиналда Германияга қарши ўйнайди. Ўйин 2 июль куни ўтказилади.
