Америка кубогининг финал баҳсида Чили терма жамоаси пенальтилар сериясида Аргентина устида ғалаба қозонди. Эътиборли жиҳати, ушбу ўйиндаги пенальтилар сериясининг илк зарбасини Чили терма жамоасидан Видал бажарган ва Ромеро уни қайтарган бўлса, Аргентинанинг илк пенальтисини Месси амалга оширди. Мессининг ушбу пенальтиси терма жамоадаги энг сўнггиси бўлиб тарихга кириш мумкин. Бу ҳақда кейинроқ гаплашамиз. Бироқ, ушбу пенальтининг ноаниқ амалга оширилиши қайсидир маънода Аргентинага қимматга тушди ва якунда Аргентина сўнгги уч йил ичидаги учинчи финалида ҳам имкониятни бой берди. Чили Америка кубоги соҳиби!

Сайтимиз карикатурачи арссоми Жавлон Назаров ушбу ҳолатга ўз муносабатини карикатурасида кўрсатишга ҳаракат қилди ва карикатурада яқиндагина Европа чемпионатида пенальтини ноаниқ амалга оширган Роналдунинг унга ҳамдардлигини ҳам тасвирлади ҳамда унга шундай ном берди: Йиғлама, Месси!

Карикатурага баҳо бериш сизнинг зиммангизда!