Германия терма жамоаси ҳужумчиси Лукаш Подольски Евро-2016 форматини танқид қилиб, чемпионат иштирокчилари сонининг ошишини аҳмоқлик деди.

«Гуруҳ босқичи қандайдир ғалати тарзда ўтди. Мусобақа формати бўйича УЕФАнинг қарори аҳмоқона бўлди. Дастлабки 2 ўйинни ютқазган жамоаларда ҳам кейинги босқичга чиқиш имконияти сақланиб турди, жудаям қизиқ. Тўғри бу биз учун муаммо эмас, лекин чалғитадиган сабаб холос», — деди Подольского Yahoo! Sports хабарига кўра.

Эслатиб ўтамиз, бу чемпионатда биринчи марта 24 жамоа иштирок этди ва гуруҳда учинчи ўринни эгаллаган жамоаларда ҳам кейинги босқичга чиқиш имконияти пайдо бўлди.