Германия терма жамоасининг собиқ футболчиси Лотар Маттеус Англия терма жамоаси ҳужумчиси Уэйн Руни халқаро майдондаги фаолиятини якунлаши кераклиги, бу футболчи учун ҳам, терма жамоа учун ҳам фойдали бўлишини гапирди.
“Англия ёш футболчилар билан янги жамоа барпо қилиши керак. Хожсон кетди, Руни ҳам унинг ортидан бориши лозим. Жамоа қийин аҳволда қолганида етакчи футболчи керак бўлади. Афсуски Руни ундай бўлиб чиқмади. У футболчиларни олдинга чорлаши, оғир вазиятда далда бериши мумкин эди. Бироқ бу ишни қилмади. Руни бундан буёғига “Манчестер Юнайтед” клубидаги ўйини ҳақида қайғуриши, терма жамоани эса тарк этиши лозим” - деди Маттеус The Sun хабарига кўра.
