“Локомотив” – “Бунёдкор” учрашувидан кейинги матбуот анжуманининг иккинчи қисмида “темирйўлчилар” устози қатнашди.

-Биринчи даврадаги энг муҳим учрашувимизни ўтказдик. Охирги ўйин бўлганлиги боис чарчоқ аломатлари ҳар иккала жамоада ҳам бор эди. Қолаверса, иссиқ об-ҳаво ҳам йигитларга ўз таъсирини ўтказмай қолмади. Дурангдан қониқдик, ҳеч кимга эътирозимиз йўқ. Давралар оралиғида ҳужум чизиғини кучайтириш учун селекция ишларини олиб борамиз. Яқинда Белорусга йўл оламиз ва тайёргарликни Минскда давом эттирамиз. Ушбу йиғинимизда жароҳатини тиклаётган Неманья Яничич ҳам иштирок этиши кўзда тутилган, - дейди Андрей Геннадьевич.