Италия терма жамоасининг бош мураббийи Антонио Конте Германия терма жамоасига қарши ўтказиладиган чоракфинал ўйинидан олдин ўз фикрларини баён қилди.
"Бизга қарши ҳар томонлама кучли жамоа майдонга тушади. Улар Испаниядан яхшироқ, жаҳон чемпионлари. Ўйлашимча, Германия дунёдаги мукаммал жамоалардан бири. Уларда кучли футболчилар кўп.
Биз рақиб ўйинини ўрганиб чиқдик. Бу ўйин Испанияга қараганда бошқача ўйин бўлади. Германиянинг заиф томонларидан фойдаланишга ҳаракат қиламиз. Рақибни жуда ҳурмат қиламиз, бироқ ғалаба қозониш учун бор кучимизни ишга соламиз” - деди Конте УЕФА матбуот хизмати хабарига кўра.
