Уэльс терма жамоаси яримҳимоячиси Аарон Рэмси Евро-2016 яримфиналида Португалия терма жамоасига қарши учрашув олдидан фикрларини билдирди.
Рэмси дисквалификация туфайли учрашувда қатнаша олмайди.
"Португалияга қарши ўйнай олмаслигимда жуда афсусдаман, биз ғалаба қозонишимиз керак. Мен ўйнамайман, аммо жамоам учун ҳамма нарса қиламан - уни қўллаб-қувватлайман, йигитларни руҳлантираман. Умид қиламанки, улар менсиз ҳам эплайдилар.
Шерикларимга ишонаман, Португалияни ютиб, финалга чиқишимиз керак. Биз бир жамоамиз бу Бельгияга қарши ўйинда ҳам кўринди. Финалгача боришга Уэльснинг кучи етади", - дейди Рэмси.
