Исландия терма жамоасининг мухлислари футболчиларни ўйин пайтида ўзига хос тарзда қўллаб-қувватлаб боришмоқда. Улар бирваракайига “Ҳу” деб қичиқириб, қарсак чалишмоқда. Хўш, бу қичқириқ нима маънони англатади?

Баъзилар буни викингларга хос бўлган жанговар қичқириқ дейишмоқда. Аммо, бу қичқириқнинг келиб чиқиши Шотландияга бориб тақалади. 2014 йили Европа лигаси саралаш босқичида Исландиянинг “Стьярнан” клуби Шотландиянинг “Мозервелл” клубига қарши ўйнаган. Бу ўйинда шотландиялик мухлислар айнан шу тарзда ўз футболчиларини қўллаб-қувватлаб туришган. Ўз навбатида исландияликлар ҳам буни тезда ўзлаштириб олишган.