Италия терма жамоаси ҳимоячиси Жоржио Кьеллини “Сукадра Адзурра”нинг Евро-2016даги иштироки тўғрисида гапирди.
«Май ойининг ўрталаридан бошлаб саргузаштларимиз бошланди. Мухлислар ва танқидчилар орасида Италия бошқа жамоаларнинг осон қурбонига айланади деган гап-сўзлар кўпайиб кетди.
Бироқ биз ўзимизда миллат ҳурмати ва муҳаббатини қайтарувчи сеҳрли куч борлигини ҳис қилиб турдик. Ягона мақсад йўлида жипслашиб, қийинчиликларни енгиб ўтдик.
Терма жамоамизда 23 италиялик ўйнади. Лекин аслида биз 60 миллион эдик. Биз ҳар доим бирга бўлганмиз ва бўламиз», – деди Кьеллини.
