1news.uz —”Локомотив” (Тошкент) жамоасининг Осиё чемпионлар лигаси доирасидаги навбатдаги рақиби Бирлашган Араб Амирликларининг “Ал-Айн” клуби ўз таркибини бразиялик легионер ҳисобига кучайтирди.
Амирлик клуби Япониянинг «Кашима Антлерс» клубидан 22 яшар ярим ҳимоячи Кайони сотиб олди. Шартнома уч йилга тузилди. Кайо япониялик клуб сафида икки мавсум ичида 12 та голга муаллифлик қилган.
Шунингдек, ушбу клуб уч йиллик шартномани “Банияс” клуби ярим ҳимоячиси 27 яшар Aмир Абдулраҳмон билан ҳам имзолади.
Ушбу ўйинчилар жамоани тарк этаётган “Аякс” ва “Ливерпуль” жамоаларининг собиқ юлдузи Райан Бабель ва бразилиялик легионер Фелипе Бастослар ўрнини эгаллашади.
