2017 йилда Россияда ўтказиладиган Конфедерация кубоги мусобақасининг чипталари нархи маълум бўлди.
Чипталар нархи ФИФА томонидан 4та категорияга ажратилган. 1-категория чипталари 135$, 2-категория чипталари 85$, 3-категория чипталари 70$ бўлади. Россия аҳолиси учун махсус чиқарилган 4-категория чипталари 960 рублни ташкил қилади. Уларни фақат Россия фуқаролари харид қила оладилар.
Конфедерация кубоги 2017 йилнинг 17 июнь - 2 июль кунлари ўтказилади. Унда Россия терма жамоаси ва қитъа чемпионатлари ғолиби иштирок этишади.
