Немис футболи афсонаси Франц Беккенбауэр Германия терма жамоасининг ҳужумчиси Томас Мюллернинг Евро-2016да бирорта гол уролмагани тўғрисида ўз фикрини билдирди.
"Аслида Томас ҳар доимгидек ўйнаяпти, фақат гол урмаяпти холос. Бунга кўникиб ҳам кетдик. У Италияга қарши ўйинда гол уриши мумкин эди. Бироқ омади келмади. Амалга оширилмаган пенальти тўғрисида гапирсак, бу унга салбий таъсир қилиши ҳам мумкин. Аммо унинг олдида яна бир, умид қиламанки икки ўйин бор. Томас ўз хатоларини тўғирлаб олишга қодир” - деди Беккенбауэр Bild хабарига кўра.