Португалия терма жамоаси ҳужумчиси Криштиану Роналду Уэльсга қарши Евро—2016 ярим финал учрашувида ҳисобни очди.
Учрашувнинг 50-дақиқасида у бош билан Уэльс дарвозасига тўпни йўллаб, Португалияни ҳисобда олдинга олиб чиқди.
Европа чемпионатлари тарихидаги энг яхши тўпурарлари рўйхатида 31 ёшли футболчи Франция терма жамоасининг афсонавий ҳужумчиси Мишель Платинига етиб олди.
Европа чемпионатлари тарихидаги энг яхши тўпурарлар:
1-2. Мишель Платини (Франция) ва Криштиану Роналду (Португалия) — 9 тадан гол,
3: Алан Ширер (Англия) — 7 та гол,
4-8: Златан Иброҳимович (Швеция), Тьерри Анри (Франция), Патрик Клюйверт (Голландия), Нуну Гомеш (Португалия), Руд ван Нистелрой (Голландия) — 6 тадан гол.
