Уэльс терма жамоасининг бош мураббийи Крис Коулмэн Евро-2016 яримфиналидан ўрин олган Португалияга (0:2) қарши ўйин ҳақида ўз фикрларини баён қилди.
«Бу ўйинда ким биринчи гол урса, ғалаба шуники эди. Афсуски бизда имкониятлар бўлмади. Португалияга тан бериш лозим, улар жуда яхши ҳимояланиб, биз учун бўш ҳудудларни қолдиришмади. Биз диққат эътиборни 5 дақиқага сусайтирдик, натижада Португалия бизни зудлик билан жазолади.
Футболчиларим билан фахрланаман. Яримфинал биз учун ажойиб натижа. Биз бу мусобақада кўп ғалаба қозондик, энди эса мағлубиятга навбат келди. Чемпионат биз учун ажойиб тажриба майдони бўлди. Бугунги ўйинда Рэмзининг йўқлиги ҳам билинди», – деди Коулмэн.
