Яримҳимоячи Аарон Рэмзи "Арсенал" янги мавсумни унингсиз бошлаши мумкинлигини маълум қилди.
Европа чемпионатининг ярим финалигача етиб келгани учун Уэльс терма жамоасининг 25 ёшли футболчисига қўшимча таътил кунлари берилган.
"Мен жамоага 1 август куни қўшиламан, мавсум эса икки ҳафтадан сўнг бошланади. 2014 йилда Германия жаҳон чемпиони бўлганда, немис футболчилари биринчи турга бир неча кун қолганда жамоаларига бориб қўшилган.
Венгер ўз ўйинчиларига бироз дам беришни яхши кўради. Менда ҳам шундай бўлади. Мен бироз ҳордиқ чиқаришим кераклигини ҳис қиляпман", - дейди Рэмзи.
Эслатиб ўтамиз, Рэмзи дисквалификация туфайли Портгалияга қарши яримфинал учрашувни (0:2) ўтказиб юборган эди.
