Немис футбол иттифоқи президенти Райнхард Гриндель Германия терма жамоаси Евро-2016 яримфиналида Францияга (0:2) мағлуб бўлса-да, бош мураббий Йоахим Лёвни истеъфога чиқишига сабаб кўрмаяпти.

«Кечаги ўйиндан сўнг футболчилар ва мураббийлар штабига мусобақадаги ажойиб иштирок учун миннатдорчилик билдирдим.

Бошқа мамлакат федерацияларидаги ҳамкасбларим менга Германия мусобақадаги энг яхши терма жамоа деб айтишарди. Биз ҳам шуни ҳис қилган ҳолда Марселни тарк этдик.

Энди мусобақа якунларини ўйлаб кўриш ва хулоса чиқариш учун бир неча кун керак бўлади. Шунинг учун ҳам Йоги Лёвни ўз ҳолига қўймоқчимиз.

Агар Лёв яна икки йил биз билан ишлашни истаса, ҳаммамиз беҳад хурсанд бўлардик. Ишонаманки шундай бўлиб чиқади. Лёв ЖЧ-2018да чемпионлик унвонини ҳимоя қилади», – деди Гриндель.