«Барселона» ярим ҳимоячиси Педри клубдаги илк кунлари ҳақида гапириб, Лионель Мессининг унга кўрсатган эътиборини эслади.
Педрининг айтишича, у ва Франсишку Тринкау янги жамоага қўшилганида жуда тортинчоқ бўлгани учун кийиниш хонасига киришга уялиб, машғулот залида яшириниб юришган. Бир куни Месси уларни кўриб қолиб, кийиниш хонасига таклиф қилган ва қаерга ўтиришларини кўрсатган.
«Бу иши учун ундан бир умр миннатдор бўламан. Лео ва Жорди Алба бизга мослашиб кетишимизга ёрдам беришди. Ўзимни жуда эркин ҳис қилардим. Доҳийлар билан ўйнаганингизда тўп доимо оёғингизга керакли тезликда етиб келади. Улар ҳаммасини осонлаштиради», — деди Педри.
