Хабарингиз бор, яқинда ўтган мавсум "Манчестер Юнайтед" клуби мураббийлар шатбида фаолиятини олиб борган Райан Гиггз клубдан кетганлиги ҳақида эълон қилди. Футболчилик фаолиятини 1990-йилда "МЮ"да бошлаган футболчи ўтган йиллар давомида "қизил иблислар" билан бир қанча совринларни қўлга киритишга муваффақ бўлди.

Футболчилик фаолиятини якунлагандан сўнг ҳам клубдан кетишни истамаган, "Дарахт бир жойда кўкаради" нақлига амал қилган "МЮ" афсонаси 2014 йил апрелидан клуб мураббийлар штабида фаолиятини давом эттиришга қарор қилди. Луи Ван Гал билан ҳамкорликда фаолиятини давом эттирган Гиггз голландиялик мутахассис клубдан кетгач айнан у "МЮ"га бош мураббий этиб тайинланиши кутилаётган бир пайтда Жозе Моуриньо бош мураббий этиб тайинланди. Ушбу қарордан сўнг Гиггз клубдан кетишга ва мураббий сифатида мустақил фаолият олиб боришга ҳамда бошқа жойда футболчилар тарбиялашга қарор қилди.

Гиггзнинг "МЮ"дан кетишини сайтимиз карикатурачи рассоми ўзининг навбатдаги ижодий ишида тасвирлашга ҳаракат қилди ва унга шундай изоҳ берди: "Гиггз бир жойда кўкаради, лекин бошқа жойда мева беради".