Машҳур мураббий Фабио Капелло Евро-2016 финалидан ўрин олган Франция — Португалия ўйини борасида ўз фикрларини билдирди.
«Бу жуда қизиқ ва жамоалар учун жуда қийин ўйин бўлади. Франция ҳужумда кучли, аммо ҳимояда муаммоларга эга жамоа. Португалия – ҳимояда яхшироқ, Контенинг Италиясига ўхшаш жамоа. Унда ўйин тақдирини исталган вақтда ҳал қилишга қодир футболчи бор.
Мураббийлар рақибни чуқур ўрганиб олишади, акс ҳолда бу ўйинда ғолиб чиқиш амри-маҳол. Франция – мезбон, демак қоғозда фаворит. Лекин фикримча, Португалиянинг аҳволи яхшироқ. Улар зарба бериш учун қулай вазиятни пойлаб ўйнашади», – деди Капелло.
