5 июль куни Ўзбекистон Кубоги чорак финал доирасида дастлабки учрашувни ўтказган «Локомотив» 12 июлга қадар кичик таътилга чиққан.

12 июль куни "темирйўлчилар" «Локомотив» спорт мажмуасида жойлашган меҳмонхонада йиғилади ва шу куни кечки пайт Беларусь пойтахти Минск шаҳрига ўқув-машғулот йиғинини олиб бориш учун учиб кетадилар.

Йиғин давомида "Локо" футболчилари Минск шаҳрининг иккита жамоасига қарши ўртоқлик учрашувида майдонга тушишади. Дастлабки ўйин 16 июль куни "Динамо" (Минск) билан кечса, иккинчи беллашув 19 июлда "Крумкачи" жамоасига қарши бўлиб ўтади.

Бош мураббий Андрей Микляевнинг хабар беришича, ушбу учрашувларда жамоа таркибида бир нечта янги футболчилар синаб кўрилади ва мураббийлар штабига маъқул келса улар билан шартнома имзоланади.
 
Маълумот учун, Беларусь чемпионати худди биздаги каби баҳорнинг бошларида старт олган ва биринчи давра ўйинлари ўз нихоясига етди. Турнир жадвалида "Динамо" (Минск) учинчи, "Крумкачи" эса бешинчи ўринни эгаллаб турибди.