Франция терма жамоаси бош мураббийи Дидье Дешам Евро-2016дан олдин жамоани жипслаштира олди, демоқда дарвозабон Уго Льорис.
"Дешам - архитектор, у сўнгги 4 йил ичида жамоани жипслаштира олди. Мусобақадан олдин бизда футболчилар етишмаслиги билан боғлиқ муаммо пайдо бўлса-да, у футболчиларни ягона мақсадга руҳлантирди. У бизга хотиржамлик туйғусини баҳш этмоқда, ўзи эса ҳеч қачон таслим бўлмаяпти. Ўйинимизда камчиликлар бор, бош совринни қўлга киритиш учун уларни албатта бартараф қилишимиз керак", - деди дарвозабон ТАСС хабарига кўра.
