Бугун навбатдаги Европа чемпионати якунига етади. Португалия ва Франция ўртасидаги баҳс кўҳна қитъа чемпионатидаги 15-финал бўлади. Шу пайтгача ўтказилган 14та финал ўйинларига қисқача тўхталиб ўтамиз.

Финал баҳсларининг 9тасида ғолиб жамоа номи асосий вақтда аниқланган. Икки марта қўшимча вақтда киритилган "олтин гол" чемпионга омад келтирган. Шунингдек, илк Евро финалида СССР терма жамоаси қўшимча бўлимларда Югославияни мағлуб этишга муваффақ бўлган.

14 финал ичида бир марта пенальтилар сериясига мурожаат қилинган. Бундан 40 йил аввал Чехословакия Германияни "лотерея"да мағлуб этган. 1968 йилда эса ғолиб номи аниқланмагач, такрорий ўйин ташкил этилган. Бу сафар ҳам омад Югославияга кулиб боқмаган. Улар Италияга такрорий ўйинда ютқазишган.

Европа чемпионатларининг барча финаллари:
Евро-1960. СССР – Югославия – 2:1 (қўшимча вақт).
Евро-1964. Испания – СССР – 2:1
Евро-1968. Италия – Югославия – 1:1. Такрорий ўйин: 2:0
Евро-1972. ГФР – СССР – 3:0
Евро-1976. ГФР – Чехословакия – 2:2 (пенальтилар серияси: 3:5)
Евро-1980. ГФР – Бельгия – 2:1
Евро-1984. Франция – Испания – 2:0
Евро-1988. Голландия – СССР – 2:0
Евро-1992. Дания – Германия – 2:0
Евро-1996. Германия – Чехия – 2:1 (қўшимча вақтда «олтин гол»)
Евро-2000. Франция – Италия – 2:1 (қўшимча вақтда «олтин гол»)
Евро-2004. Португалия – Греция – 0:1
Евро-2008. Германия – Испания – 0:1
Евро-2012. Испания – Италия – 4:0
Евро-2016. Португалия - Франция