РФИ президенти маслаҳатчиси Александр Мирзоян Россия терма жамоаси ва ҳаваскорлар ўртасида ўртоқлик ўйини ўтказиш ғоясини ёқлаб чиқди. Унинг фикрига кўра, бу ўйин профессионал футболчилар даражасини аниқлаб беради.

“Шахсан мен, профессионаллар ва ҳаваскорлар ўртасидаги ўйинга қарши эмасман. Ҳаваскорлар бу ўйин орқали профессионал футболчиларнинг даражаси ва маҳорати ҳақида тасаввурга эга бўлиб олишади” - деди Мирзоян ТАСС хабарида.

Эслатиб ўтамиз, Россия терма жамоаси Евро-2016да муваффақиятсиз иштирок этгандан сўнг, бир гуруҳ ҳаваскорлар терма жамоа футболчиларига ўртоқлик ўйинини таклиф қилишган ва унда албатта ютиб чиқишларини айтишган эди.