Осиё чемпионлар лигасида муносиб иштирок этишни мақсад қилган «Олмалиқ» футзал клуби эртага Таиланд терма жамоаси билан учрашув ўтказади.
Испаниялик мутахассис Мигел Родриго бош мураббийлик қилаётган Таиланд терма жамоасига қарши ўйин «Олмалиқ»нинг турнирга тайёргарлик босқичида сўнгги назорат ўйини бўлади. Бу учрашувда мезбонлар тўлиқ таркиби билан иштирок этмаслиги мумкин. Сабаби, терма жамоанинг бир қатор футзалчилари "Чонбури" таркибида Осиё чемпионлар лигасига ҳозирлик кўрмоқда.
Ўйин эртага, Тошкент вақти билан 08:00да бошланади.
