Айни дамда жамоамиз аъзолари Тошкент вилоятининг Чирчиқ шаҳрида иккинчи даврага тайёргарлик кўришмоқда. Мураббийлар 2-даврада юқори ўринлар учун курашадиган жамоа тузиш борасида тинмай изланишда.
Йиғин давомида ўртоқлик учрашувлари ҳам ўтказиш режалаштирилган. Хусусан, йиғин доирасидаги биринчи назорат учрашуви 18 июль куни “Қизилқум” жамоасига қарши бўлиб ўтади. Мазкур баҳс Тошкентдаги “Жар” стадионида ўтказилиши режалаштирилган.
Ёзги йиғиндаги иккинчи назорат учрашувида биринчи лига вакили – “НБУ-Осиё” бизга рақиб вазифасини ўтаб беради. Ушбу беллашув 23 июль куни Чирчиқ шаҳрида бўлиб ўтади.
