Португалия терма жамоаси ҳужумчиси Криштиану Роналду Евро-2016 финалидан ўрин олган Францияга (1:0) қарши ўйин ҳақида ўз фикрларини билдирди. У ўйиннинг 25-дақиқасида жароҳати туфайли майдонни тарк этганди.

“Финалда бунақа бўлишини кутмаган эдим. Жароҳат олиб майдондан чиқиб кетаётганимда кўз ёшларимни тийиб туролмадим. Ҳаммаси тамом, энди ютқазамиз деб ўйлагандим.

Пайетдан хафа эмасман. У кечирим сўради, тўпга ўйнагандим деди. Уни кечирдим. Лекин онам мени ғалаба билан табриклаётганида Пайетни бошини узиб ташлашга тайёр эдим деди. Жароҳатимдан бир ой ичида фориғ бўлсам керак. Европа суперкубоги баҳсида майдонга тушолмасам керак.

Камтарликни бир четга суриб қўядиган бўлсам, ўйлашимча бу мавсумда “Олтин тўп”га лойиқ ўйин намойиш этдим. Мессига нисбатан катта ташаббусга эгаман. Гризманни ҳисобга олмасаям бўлади, у иккита финални ютқазди. Шунинг учун ҳам Месси билан орадаги фарқни қисқартирсам керак. У ҳозирча 5:3 ҳисобида олдинда” - деди Роналду argumenti.ru хабарига кўра.