Футзал клублари ўртасидаги Осиё чемпионатидан ўрин олган «Тасисат Дарёий» - «Олмалиқ» (4:3) ўйинидан сўнг жамоаларнинг бош мураббийлари ўз фикрларини билдириб ўтишди.

«Тасисат Дарёий» бош мураббийи Амир Шамсаий: «Жуда қийин ўйин бўлди. Биринчи ўйин ҳар доим мураккаб кечади, бундан ташқари биз мусобақанинг кучли клубларидан бирига қарши ўйнадик. Ҳар иккала жамоада гол уриш имкониятлари кўп бўлди. «Олмалиқ» дарвозабони (Рустам Умаров) ажойиб ўйнади, бежизга у ўйиннинг энг яхши футболчиси деб топилмади. Иккинчи голни урганимиздан сўнг ўйинимиз очилиб кетди ва якунда ғалаба қозондик. Ҳар бир ўйин биз учун мисли финалдир. Дастлабки имтиҳондан ўтганимиздан хурсандман» - деди Шамсаий.

«Олмалиқ» бош мураббийи Александр Петров: «Футболчиларимиз қўлидан келган барча ишни қилишди. Баъзан яхши ўйин намойиш этилса ҳам, мағлубиятга учралади. Футболчиларимизнинг кўпчилиги ёш, уларни ажойиб ўйини бугун мени ҳайрон қолдирди. Умид қиламанки, кейинги ўйинда бундан ҳам яхши ўйин намойиш қиламиз» - деди Петров.