«Ал-Маядин» - «Олмалиқ» (2:2) ўйинидан сўнг ҳар иккала жамоа бош мураббийи ўз фикрларини билдиришди.

«Ал-Маядин» бош мураббийи Васко Вуйович: «Бугун ғалаба қозонишим керак эди, шунга лойиқ ўйин намойиш этгандик. Гол уриш учун яхши вазиятларга эга бўлдик, бироқ омадимиз келмади. Футболчиларимиз самарали ўйин намойиш этишди, бундан хурсандман. Кичик вазиятлар кўп нарсани ҳал қилади. Бугун дарвоза тўсини бир неча марта рақиб фойдасига ўйнади. Эртага ижобий натижага эришиш учун майдонга тушамиз. «Тасисат» чемпион эканини биламан, улар бизга қарши ўйинда фаворит. Аммо футболчиларим ўзига ишонган ҳолда майдонга тушади».

«Олмалиқ» клуби бош мураббийи Александр Петров: «Кеча жуда оғир ўйинни ўтказгандик, шунинг учун ҳам биринчи бўлимни яхши ўйин намойиш қилолмадик. Иккинчи бўлимда ғалаба қозонишимиз учун жуда кўп имкониятлар бўлди. Энди бор умидимиз «Тасисат»дан. Улар яхши ўйин намойиш этиб, бизга керакли натижа билан ғалаба қозонади деган умиддаман. Чоракфиналга чиқа олишимизга ишонаман. Чунки айнан шу мақсадда мусобақага ташриф буюрдик».