Наманган «Навбаҳор» жамоаси иккинчи давра тараддудини давом эттирмоқда. Машғулотлар Бўстонлиқ туманида олиб борилаяпти.
Жамоа аъзолари яна уч кун Ҳожикент қишлоғида йиғин ўтказишади. Шундан сўнг футболчиларга икки кунлик таътил берилади ва 23 июльдан йиғин пойтахтда давом эттирилади.
Айни пайтда мухлисларни таркибдаги ўзгаришлар қизиқтирмоқда. Олинган маълумотларга кўра, мураббийлар асосан ҳимоя ва марказни кучайтириш мақсадида тажрибали футболчилар билан алоқага чиқишган. Футболчиларнинг номлари сир тутилаётган бўлсада, улар «Локомотив», «Олмалиқ», «НБУ-Осиё» каби жамоаларда тўп сурувчи ўйинчилар бўлиши мумкин. Таркибдаги асосий ўзгаришлар кейинги ҳафтада кузатилади.
