"Сўғдиёна" клубининг Зоминдаги йиғини якунига етди. Бир ҳафта Зомин тоғларида жисмоний машғулотларга асосланган ҳолда давом этган тайёргарликлар ўз ниҳоясига етди.
Жамоа машғулотларига ҳозирча Жамшид Ҳасанов («Бухоро»), Сардор Эминов («Нефтчи») каби футболчилар келиб қўшилган. Эртадан тайёргарликлар Тошкентда давом эттирилади. Пойтахтдаги йиғин давомида 22 июлда «Қизилқум», 26 июл куни «Навбаҳор» жамоалари билан ўртоқлик ўйинлари ўтказиш режалаштирилган.
Тошкентдаги йиғин 27 июлга қадар давом этади. Шундан сўнг футболчиларга икки кунлик дам олиш кунлари берилади.
