“Қўқон-1912” жамоаси иккинчи даврага тайёргарликни Тошкент вилоятининг Чирчиқ шаҳрида олиб бораётгани ҳақида аввал хабар берган эдик. Нўьмон Хасанов бошчилигидаги мураббийлар штаби таркибни кучайтириш, футболчиларнинг жисмоний ҳолатларини яхшилаш борасида тинмай изланмоқдалар.
Бундан аввал жамоа лагерини 8 нафар футболчи тарк этгани ҳақида хабар берган эдик. Бугун жамоа мураббийлари яна уч футболчига жавоб беришга қарор қилишди.
Булар Миржалол Қурбонов, Отабек Ҳайдаров ва Фурқат Хасанбоев. Ҳар уччала футболчига жамоамиз раҳбарияти , мураббийлар штаби ва мухлисларимиз номидан жамоада кўрсатган фаолиятлари учун миннатдорчилик билдирамиз. Юқорида номлари кўрсатилган футболчилар ҳали ўзбек футболида ўзларини кўрсатадилар деб умид қиламиз ва уларга келгуси фаолиятларида омад ёр бўлишини тилаб қоламиз.
Жамоага кимлар келгани ҳақида ҳам тез орада сиз азиз мухлисларга хабар етказамиз.
