Республика олимпия захиралари теннис мактабида Ўзбекистон ва Хитой терма жамоалари иштирокида “Дэвис кубоги”нинг Осиё-Океания минтақаси биринчи гуруҳ иккинчи босқич баҳслари якунланди.

Куннинг сўнгги ўйинида Фарруҳ Дўстов ва Ди У кортга тушди. Бу учрашувда ким зафар қучса, умумий ҳисобда терма жамоасига ғалаба келтирарди. Кескин курашлар остида ўтган ўйинда ҳамюртимиз Фарруҳ Дўстовнинг қўли баланд келди.

Фарруҳ Дўстов (Ўзбекистон) – Ди У (Хитой) – 3:0 (7:6, 6:3, 7:6)

Умумий ҳисоб: Ўзбекистон – Хитой 3:2

Энди Ўзбекистон терма жамоаси жаҳон гуруҳига ўтиш плей-офф ўйинларида иштирок этади. Сентябрь ойида бўлиб ўтадиган бу ўйинлардаги рақибимиз қуръа орқали аниқланади.