Marca хабарига кўра, «Реал» ҳужумчиси Криштиану Роналду камида сентябрь ойининг ўрталарига қадар жамоасига ёрдам беролмайди. Эслатиб ўтамиз, футболчи Евро-2016 финалида тиззасидан жароҳат олган эди.
Олдинига унинг фақат Европа Суперкубогида майдонга тушмаслиги тахмин қилинганди. Аммо шифокорлар бу муддатнинг бироз узоқлигини аниқлашди.
Демак, Роналду Испания чемпионатининг дастлабки 2 турини ўтказиб юборади, шунингдек ЖЧ-2018 саралаш мусобақасидан ўрин олган ва 6 сентябрь куни ўтказиладиган Португалия – Швейцария ўйинида ҳам майдонга тушмайди.
