Андрей Фёдоров бош мураббийлигидаги “Нефтчи” жамоаси Дукентда иккинчи даврага тайёрланмоқда.
Жамоамиз таркибида яна бир ўзгариш юзага келганини маълум қиламиз. Олий лига-2016нинг илк даврасини “Қўқон-1912” клубида ўтказган ярим ҳимоячи Фурқат Ҳасанбоев айни пайтда жамоа машғулотларида иштирок этмоқда. Агар 24 ёшли футболчи “Нефтчи” мураббийлари кўригидан муваффақиятли ўтса, иккинчи даврадан фарғоналиклар шарафини ҳимоя қилади. Маълумки, Фурқат Фарғона футболи тарбияланувчиси ҳисобланади. Ўз навбатида Фурқат Ҳасанбоевни “Бунёдкор” академиясида тахсил олганини ҳам айтиб ўтиш ўринлидир. Унинг жамоага таклиф этилиши эса вилоят футбол иқтидорларини “Нефтчи”га қайтаришга бўлган яна бир қадам деб айтиб ўтиш жоиздир. Яқин вақтлар ичида жамоамизда яна бир қатор ўзгаришлар бўлиши мумкин. Музокаралар давом этмоқда.
